Kya hun, kaun hun main
Kya hai meri pehchan
Kis khoj main uljha main
Kisse karta kheench tan
Khud se samjhauta karta
Hota kitna majboor
Khud ki ankhon main girta
Ja pahuncha bahut door
Bachpan ki woh masoomiyat
Kho si gayi Umar ke saath
Fisalti hui apni seerat
De baithi mujhko hi jawab
Raat din ke darmiyan faasle
Dhul gaye apne hi khwaishon se
Apni hi pehchan dhundte lamhe
Khud hi mit gaye apne hi hathon se
Kaam se ho ya naam se
Koi chota badha nahi hota
Aan se ho ya Shan se
Haar jeet ka faisla nahi hota
Zindagi main tu hai bada
To Main bhi kuch kam nahi
Tera jo kadd hai zyada
Chota to main bhi nahi
Issi dhara main gote khate
Aapas main ladte saare
Leke choti choti baatein
Tere mere main waqt guzare
Is rassi khench khel ka
Maza lete darshak saare
Matlab in tamashe ka
Kab samjhega mere pyare
Maan kitna chota sa shabd
Karta kitne khel
Abhi aur swabhi ke madhya
Kaisa ajeeb taal mel
Dono ke beech ki lakeer
Na dikhe na samajh aaye
Kahan kab ho jaye paar
Na josh ko hosh aaye
Le doobe bahut rishtey
Dono apni is ladai main
Is kheench taan main
Kya jeete tum kya haari main !
Yeh waqt theherta hi nahi
Paani jaise behta jaata
Kissi ki sunta hi nahi
Jo karna hai karta jaata
Khushi main yaad aata hai
Gehre gum main bhi
Baat sikhayi jo mujhe waqt ne
Ki yeh waqt theherta hi nahi
Pav rakho apne zameen par
Udte huye mann ko zara roko
Lagaam rakho apne sapno par
Kyunki yeh waqt theherta hi nahi
Acha waqt ho ya bura waqt
Aaya hai to chala hi jayega
Kissi ke chahne se na ruka waqt
Woh to guzar hi jayega
Tez barish main baithi
Sunti boondo ki awaz
Mann ke kone ki ghehrayi
Khayalon ki bheed ka agaaz
Logon ke andar ka andhera
Dhakta achai ki roshni
Is ladai main kya tera kya mera
Jo bhi jeete hai to dono ki haar hi
Khud main hai aatma vishwas
ya hai apne mann ka aham
Main hun sabse zyada khaas
Kaise toote yeh nadaan sa vaham
Chupa sakte apni galtiyon ko
Dhak ke banavati chaddar se
Par kaise Mita sakta in hisabon ko
Upar wale ki apni kitaab se
Ek hi zindagi mili keemti
Ek hi milegi sabko maut
6 fut ki hi kabar sabki
Raakh se uth kar ....
Anth hai rakh hi
