Happy birthday kannah

Aaye kanha chupke 

Saari duniya jab soyi thi

Uske aane ki khabar sunke 

Kans ki neenden khoyi thi

Devki ne janna usse 

Paala yashoda maiya ne

Pedo ne bachaya dhoop se

Doodh pilaya gaiya ne

Bansuri ki dhun se

Saara ganv chahakta tha 

Maati ke kan Kan se

Gopal ka naam mehekta tha 

Dhundta raha kans mama

Krishna ko na pakad paaya 

Hui har koshish fana 

Aisi thi govind ki maaya

Khatam kiya krishna ne

Kans ka ghor atyachar 

Thi mukti uski maut main

Hua paap ka sanghar 

Andar ke andhakar ko

Khud ki lau hi jalaye

Samjha insaan jo is haar ko 

Asli jeet ka matlab wohi samajh paaye

Woh barish ka paani

 Barish ki awaz sunte sunte

Chali purani galiyon main.

Saalon ke lamhe samet te

Doobti gayi un yaadon main

Garma garam pakodo ka dhuan

Ya barish main ice cream ka Mazaa 

Woh pehli barsaat main bheegna

Woh jawan si khilti fazaa

Woh thandi hawa ka chalna 

Woh sham ke badal niharna

Woh phoolon ka mehekna 

Woh chidiyon ka chahakna

Woh bhare pani main football 

Khelte khilkhilate bahut hasna 

Woh baarish se aansoo chupana 

Woh agli barish ka intezaar karna

Har boond main simti yaad

Har yaad main muskurana 

Reh gayi ab aankhen sirf nam 

Kaash phir laute woh zamana

Girgit aur hum

 Is bhare maidan main

Kaun apna kaun paraya 

Halke se andhere main

Apna saath chodta apna saaya 

Rang badalte rishtey aise

Girgit bhi soch main aaye 

Seekhe yeh gun kahan se

Jiske liye log hamare gun gaaye

Rishtey halke hote gaye 

Bhari hua sabka dil

Bandhan saare khote gaye 

Suni hui zindagi ki mehfil 

Andhere se dhaka mann

Gehri neend main insaan 

Khoye raaste main hum

Huye khud se hum hairan 

2 nishan

 Khel khele bhagwan

Upar baithe muskuraye 

Neeche machle insaan

Har mod par dagmagaye 

Soche main akela chala 

Dekhta na doosre nishan 

Jab khushiyon ka mausam dhala 

Tab yaad aaya bhagwan 

Kose tab ram Rahim ko

Yaad dilata unko unka vada

Girun kahin, ya haar saamne ho

Tum rahoge saath sada

Bolta raha unse rooth kar

Ek hi nishan hai chalne ke

Bas mujhe haara jaankar

Fera mooh aur chal diye

Hanse bhagwan , khilkhilaye 

Bole bhole zara jhuk ke to dekh

Wohi ek nishan hai mere charno ke

Kandhe pe mere baitha tu zara dekh !!

Hun main hamesha saath tere 

Har pal aur Har mausam

Jahan dikhe pav ke nishan mere 

Samjho nibhaya apna vachan

Moh maaya

 Aaj khushiyon ka taj hai

Kal dukh ka saaya hai 

Itna soch na bande tu

Yeh sab moh maaya hai

Halki kashti ko dekhke 

Dost ne hi usse dubaya hai

Na rishton main ulajh itna

Yeh sab moh maaya hai.

Aaj hai aage tu yaar

Peeche tere Haar ka saaya hai

Pare ho is haar jeet se

Yeh sab moh maaya hai

Hai yeh khel karmo ka

kismet se na paaya hai

Hisaab rakh le bas itna sa

Baaki sab moh maaya hai